Valtiopäivät oon korkein päättävä kokkous Ruottissa. Valtiopäivitten tehtävhiin kuuluu ette päättä laista ja valtiopytjetistä. Valtiopäivät tarkastavat kansa kunka hallitus hoitaa työnsä.
84,9 prosenttiä äänestysoikeutetuista äänestit valtiopäivävaalissa 2026. Ensi ortinaarie vaalit oon vuona 2030.
Ruottin vaalisysteemi oon proportsunelli. Se tarkottaa ette se määrä paikkoija jonka parttio saapii valtiopäivilä oon proportsuunissa äänimäährään jotako parttio oon saanu valtiopäivävaalissa. Niitä oon 349 paikkaa, niin sanottua mantaattia, ette jakkaa valtiopäivilä. Pääsääntö oon ette yks parttio oon häätyny saaja vähhiinthääns 4 prosenttia äänistä ette päästä sisäle valtiopäivile.
Ruottalaiset kansalaiset saattavat äänestää ja suostua valituksi valtiopäivävaalissa
Äänestysoikeus valtiopäivävaahliin oon sillä joka oon ruottalainen kansalainen, joka täyttää 18 vuotta viimisthääns vaalipäivänä ja joka oon elikkä oon ollu kansankirjoila Ruottissa.
Sillä, joka halvaa tulla valituksi valtiopäiväjäseneksi, pittää olla äänestysoikeus valtiopäivävaalissa ja se pittää olla numineerattu, niin sanottu valittu ehokhaaksi, polittiselta parttiolta. Se jotako numineerathaan pittää etukätheen olla suostunu olheen numineerattu.
Valtiopäivämantaatti oon henkilökohtanen. Jos yks jäsen valikoittee ette jättää oman parttion vaaliperiuutina hään saapii ollaa jäljela valtiopäivilä, mutta ilman parttiokuuluvaisuutta.
Hallituksen muotostaa se parttio elikkä net parttiot jokka oon saahneet kylliksi monta paikkaa valtiopäivilä ette net saavat tukea heän politiikale. Sitä kuttuthaan parlamentarismiksi.
Parttiot valtiopäivilä 2026–2030
Valtiopäivilä oon kaheksan parttiota eustettu vaaliperiuutina 2026-2030. Tässä oon määrä paikkoja, mantaattia jokka parttiot sait valtiopäivile vaalin jälkhiin 2026:
- Sosiaalitemokraatit (S) 99 mantaattia
- Muteraatit (M) 70 mantaattia
- Ruottintemokraatit (SD) 62 mantaattia
- Vasemistoparttio (V) 30 mantaattia
- Sentteriparttio (C) 25 mantaattia
- Kristitemokraatit (KD) 22 mantaattia
- Miljööparttio (MP) 22 mantaattia
- Liperaalit (L) 19 mantaattia