Puhemiehen tehtävä
Puhemiehelä oon päävastuu kunka valtiopäivätyötä suunitelhaan ja veethään. Puhemies johtaa valtiopäivitten työtä neuvottelussa valtiopäiväparttioitten ryhmäjohtajitten kansa ja Valtiopäivähallinon tuela. Puhemies johtaa sitä paitti kokkouksia kamarissa ja oon valtiopäivitten pääeustaja eri kansalisissa ja kansanvälisissä yhtheyksissä.
Puhemies oon korkein virka mihinkä henkilöä mennee valikoittea Ruottissa. Rangissa puhemies tullee valtiojohtajan, siis kuninkhaan perhään, mutta ennen pääministeriä.
Puhemies ehottaa kuka tullee pääministeriksi
Yks tärkeä tehtävä puhemiehelä oon ette johtaa neuvotteuja hallitusvaihtelussa ja ehottaa uutta pääministeria. Se oon ynikkiä Ruottile. Muissa parlamentaarisissa temokratiissa se oon usseimiten valtiojohtaja joka johtaa hallitusvaihtoa.
Valtiopäivitten puhemies ei osalistu polittisheen valtiopäivätyöhöön. Puhemies oon valikoittu valtiopäiväjäsen, mutta puhemiehenä se ei ole matkassa valiokuntatyössä elikkä keskusteluissa ja äänestyksissä kamarissa. Puhemiehelä oon siihainen joka tekkee sen.