O parlamento ando sočieteto

O parlamento

O parlemento si o maj baro kidimos savo shaj te porunčil ando Švedo. O parlamentoske buči si te porunčil pol krisa aj le themaske budgeto. O parlamento lel sama vi pa sar o governo kerel peski buči. Kodo so o parlamento poručil si zakono ando sa o Švedo. 

O governo

Kana le manuš save silen čačimos te alosaren alosardê save si le 349 reprezentanturja save si te bešen ando parlamento, o parlamento thol opre o themaske ministro. Pala kodo o themasko ministro alosarel save si le kaver ministrurja so si te aven andre ando governo. O governo musaj te del suporto vaj makar te tolerin o parlamento, averso shaj te aven forčime te muken penga thana.

O governo tradel e buči ando them, maškar aver geli shaj te muken andre ko parlamento sugestija pe save pale kodja te porunčin. O governo silen responsabiliteto te keren kodo so porunčilpes katar o parlamento.

Le themaske instituturja

Le themaske instituturja si te len sama ka sa kodo so poručilpes katar o parlamento aj katar o governo kerelpes. Le themaske instituturja ašen talal o governo.

Le komunurja

O Švedo siles 290 komunurja. Ne sakon komuna si jekh komunake konsiljo. Kathe porunčin la komunake politikurja kodola zakonurja save si ne specifiko kodja komuna. 

Le regiunurja

Ando Švedo si 21 regiunurja. Lengi maj importanto buči si te len sama po nasfalimaske žutimos aj o kolektivo transporto. Ando regionake konsiljo porunčilpes pol politikake pušimatar andi regiunja.

Le tribunalí

Le tribunalenge buči si te thon talo kris kodolen save keren bezeha aj te drêmuín le konflikturja maškar le citizenurja vaj konflikturja maškare le citizenurja aj le themaske instituturja. Sa si te den sama jednako anglal le krisa.

O EU

O Švedo si membro ande Europake Uniono, EU. Kodola krisa save porunčinpen katar o EU den zakono savorrenge ando Švedo.

E mediá

E mediá sila impacto pa amoro sočieteto. Sar eksemplo e mediá têrdjarel so keren o parlamento, o governa, le instituturja aj le organizatsí.