Kado si o EU

Le EU-thema porunčin kethanes pe neve krisa save si zakono anda sa le thema save si ando EU. O zakono pa neve EU-krisa butivar lelpes ando Europake parlamento aj ando ministerengo konsiljo. Maj anglal te len o zakono le reprezentanturja katar le EU-thema aj reprezentanturja ando Europake parlamento dine duma maj anglal aj tirguisardjapen kethanes. 

Vi o švedisko governo aj o parlameto len partja ande buči te lel pes aj te keren ol EU-krisa. Ando Švedo si o governo, o parlamento aj le instituturja save len sama kaj sa le EU-krisa te implementinpen. 

Sar citizeno ando Švedo shaj te keres impakto pa o EU-kolaboratsia andol reprezentanturja pe save votislen ando alomos kaj o parlamento aj kaj o Europake parlamento, vaj te si ke kames te vazdes opinija pe aver fjalo.

Čačimatar sar EU- citizeno  

Kodo so si citizeno ande jekh EU-them si vi citizeno ande uniunja ando EU, kodo so bušiol EU-citizeno. Kado deltut maj but čačimatar. Sar eksemplo jekh EU-citizeno shaj te:

• te alosares kodola politikurja save si te bešen ande Europake parlamento
• te trades libero vaj te keres buči vaj te studjís ne aver EU-thema. 
• te les žutimos katar jekh EU-them ambasado kana trades nol thema avrjal o EU
• te bišaves mailo vaj lil kol EU instituturja pa jekh katar le EU oficialne šiba, sar eksemplo švedisko, aj te primis atveto pe tirri šib.
• te shaj te dzines ol EU-krisa aj dokumenturja pa tirri šib
• te mukes andre vatimos ko EU ombudsmano te si ke sanas žungales tratime katat jekh EU institutsia.

Kado kerel o EU

O Švedo aj kolaver EU-thema kolaborin pol ekonomiko aj politikake pušimatar kaj shaj te dikhen ke kethanes shaj te arasen maj lašjo rezultato sar te si te keren kodo korkoro. Te barrion e ekonomija, vučo bučjake nivelo aj holbaro vazdimos ando sa le EU-themake than, interno piatsa si jek cigní partja nol skopurja pa e kolaboratsia. 

Le zakonurja ando fundamento ando EU-kolaboratsia si xramosarde ando kontrakto, savo bušiol tratato. Ando tratato phenelpes pa so shaj o EU te porunčil aj sar si te dzjal o proceso. O tratato shaj te dikhelpes sar le fundamentalno krisa ande jekh them. Sa le EU-thema dzine pengo akordo pa o tratato aj respektin len.

Ol EU-thema kolaborin sar eksemplo po

• Komertso
• Regionalno vazdimos
• žutimos pa agrikultura
• Forskningo
• Energja
• Milíoske pušimos
• Te oprin o kriminaliteto
• E politika pol manuš kaj našen katar o nasul ne lenge thema 

Kado či kerel o EU

Ol EU-thema silen responsabiliteto korkoro pa but pušimatar, pe save o EU či porunčil. Vuni eksemplurja si lovenge taxa, nasfalimasko žutimos, škola, pensja aj le love le chavorrenge.