Jekh extra alomos
Jekh extra alomos ando parlamento si jekh alomos savo shaj te inkekerlpes maškar le kaver ordinaríê alomatar, ande kodja alomoske vramja kaj aba žal. Jekh extra alomos inkerelpes sa ne kodo fjalo sar jekh ordinarío alomos, aba numa e preperimake vramja si maj škurto.
Jekh governo sovo si aba si po than shaj te porunčin te inkerelpes extra alomos maškar le kaver ordinaríê alomatar. Aba si o governo savo alosarel kana si o alomoske dês. O alomos si te inkerelpes na maj dur sar trin šíon pala so sas porunčime.
Te si ke jekh majoriteto ando governo najlen pačamos pa le themeske ministro vaj kaver ministro shaj te muken andre kodo so bušiol bipačimoske razlogo pa jekh ministro. Te si ke o governo muken andre jekh bipačimoske razlogo pa themasko ministro musaj o themasko ministro aj o governo te muken penge thana aj te poručin te inkerlpes extra alomos.
Te si ke či nakavelpes e sugestija pa themoske ministro savi muklea andre o parlamentoske mujalo
Kana o governo muklea pesko than o parlamentoske mujalo si leski buči te kerel sugestija pa nevo themoske ministro. Te si ke o parlamentoske mujalo či avel maj dur te nakavelpes leske sugesturja štar daturja jekh pale aver si te inkerelpes extra alomos. Vi atunči sa kadja si te inkerlpes alomos na maj na maj dur sar trin šíon pala kado.
Či pařuvel le ordinaríê alomatar
O extra alomos či pařuvel o timpo kana si te inkerlpen le ordinaríê alomatar. Kodola parlamentoske reprezentanturja save sas alosarimê no extra alomos aba či len jekh štarengo berš alomoske vramja, aba bešen ži kana si o kaver ordinaríê alomos.
Extra alomos naj kadja normalno ando Švedo. Katar o starto pe domokratsia pa agor ando decenjo 1920 aba numa jekh extra alomos inkerdjapes datunči. Sas o alomos ko dujto kamaro ando 1 juni 1958.