Kaja phirel o EU

O EU-komisja del sugestja pa neve EU-krisa aj kontrolin kaj sa le thema save si membro implementin le krisa. E EU-komisja sila jekh komisjonaro katar sakon them savo si membro aj reprezenting sa o EU. Jekh nevo komisjonaro tholpes sakon panžto berš.

E komisja le ministorenge porunčin pol neve EU-krisa, normalno kethanes le Europake parlamento. O švedisko governo aj sa le kukover governurja katar ol EU-thema bišaven jekh ministro pol mitingurja ando EU ministerengo konsiljo. Savo ministro si te lel partja ando šfatoske mitingo lelpes pala savo pušimos si te delpes duma. Le ministorenge konsiljo maladeven pa dêš diferitno kidimatar, strukturi, pali politikake aríja. 

O Europake parlamento den zakono pol neve EU-krisa, normalno kethanes le ministerengo konsiljo. Sakon panžto berš tholpes neve Europake parlamentoske reprezentanturja katar kodo so direkto alosaren le citizenurja anda sa le EU-thema.

Europake šfato keren gata le reguljí  pa sar e EU-kolaboratsja pa lungo vramja. Ande Europake šfato maladeven le EU-themaske šefurja ando stato aj le regiunurja. Katar o Švedo džal o themoske ministro.

O EU-tribunalí del krisa pol konflikturja maškar le EU instituturja aj le thema save si membrurja. O tribunalí vi tolmičil ol EU krisa.

Europake auditoske čačimos kerel kontrolo pa sar o EU užil le love aj ke raportinpen korekto.

Europake centralno banka inkerel o politiko po peningo andol thema save implemintisarde o euro, aj del žutimos ko EU po publico ekonimsko politiko.

O parlamento aj o EU

Jekh katar o maj importanto buči katar o parlamento si te del zakono pol neve krisa. Sar membro ando EU o Švedo mukleja ko EU jekh kotor ande puterja te del avri neve krisa, aba o parlamento siles posibiliteto te keren impakto po kodola krisa save o EU del zakono.  

O governo si kodo kan inkerel o hango le Švedoko ando EU ministerengo konsiljo aj o Europake šfato. Aba governoske ministurja aven sa kanagodi ando parlamento te den duma pol EU-pušimatar, sar eksemplo von muken kol komiteturja te analisin le pušimatar. Kana le ministrurja si te džan ko Europake ministorenge komisja te den zakono pe jekh nevi EU-kris, musaj o governo maj anglal te len suporto pa len sugestja pe kris katar jekh šfato katar le parlementoske komiteto pol EU pušimatar.

O parlamento silen vi jekh aver posibiliteto te keren impakto pol sugestja pol krisa katar o EU-komisja. O švedisko parlamento aj le parlamenturja ne kaver EU-thema zumaven maj jekh data uni krisake sugestja save si te delpes zakono po EU-nivelo vaj nationalno nivelo, katar o EU vaj katar le thema membrurja. Kado bušiol subisidiariko zumavimos. O gîndo si o EU te del o zakono numa atunči kana le thema naštin te keren kodo korkoro. 

Katar EU-propozitsia karing švedisko kris

E EU-komisja propozil jekh nevi EU-kris. E EU-komisjake buči si te propozin neve EU-krisa. Kado kerel e komisja pala so dja duma aj rodja save neve EU-krisa si nevoja andol thema membrurja. 

O governo aj o parlamento len pozitsja

E EU-komisja bišavel peske propozitsia ka sa le thema membrurja. Ando Švedo džal ko governo aj ko parlamento. O governa del informatsja maj dur ando parlamento pa kodo so von gîndin pe propozitsia aj primin katar o parlamento opinjía pala so muken andre kol komiteto te analisinlpes. O governo si kodo so inkeren Švedesko hango ando EU ministorenge konsiljo, aba o governo si responsabilo anglal o parlamento pa sar lel pes sama pol EU pušimatar. 

O parlamento zumavel vi te si ke o zakono si te lelpes pa EU-nivelo vaj po nationalno nivo sakon them membro pa pengo rig. Kodo bušiol kaj o EU krisake propozitsia zumavelpes pala kodo phenelpes ke si o subisdiariko principo, se si kaj jekh zakono si tel lelpes pe jekh maj efektivo politisko nivelo aj so si maj pašal le citizenorenge.

O Europake parlamento aj ministorenge konsiljo džen o zakono
Europake parlamentoske reprezentanturja aj ministrurja ando ministorenge konsiljo den duma pe propozitsia sakon separat aj den sugestja pa sar the pharuvelpes. Len o zakono kethanes pa le maj but EU-krisa aj trebul te pheren ando akordo jekh kris te shaj te lelpes te avel operativo.

O Švedo implementil ol EU-krisa

Kana o Europake parlamento aj ministorenge konsiljo liňe gata o zakono pa jekh nevi EU-kris, kado si dikhelpes maj dur katar o Švedo aj kolaver EU-thema. Univar arasel kaj o governo vaj le instituturja vortin uni regulja, aba vi univar nationalne krisa musaj te pharuvelpes te shaj te aven ando akordo le EU-krisa. Ando Švedo o governo musaj te mukel andra sugestja, propozitsja kaj o parlamento te lel o zakono pol krisa.

O governo, le instituturja aj le komunurja len sama kaj le neve krisa te aven čačes ande praktika. Le švedisko tribunalí len sama kaj le krisa respektinpen.

O EU-komisja kontrolir kaj sa le EU-thema respektin ol EU-krisa. Te si ke e komisja phenen pa o Švedo ke či respektil le krisa, e komisja shaj te del ande kris o Švedo ando EU-tribunalí.