Latcho avlo to dova Svedikko-temmengro riksdag
Riksdagen aschar do prallstuno beslutande kettanepa forr Svedikko-temmen. Akajj lattchas butter info palla dolleskro uchlepan ta buttepa.
Uchlepan forr riksdagen
Riksdagen aschar dova Svedikko prallstuno kettanepa. Svakko starrto bescht vällkrar dolla Svedikke temmengre 349 manuscha forr riksdagen kai karrar ledamöter.
Demokrati
Demokrati motte hejjas kai ”dolla temmengre fonn je temm styr temmen”. Dova glanduno dennkrepa dre demokrati aschar att manusch dre je temm ler te hunka ninna te dennkra ta le beslut pallan tchakkes temmen ska styras. Dova keras masskar vällkrepan kai keras pre regelbundet.
Tchakke regeringen keras pre
Je regering motte bescha menns dollo kammar stöd fonn riksdagen. Forr butten skäl motte je regering parras vri ta je nevo ava beschto.
Le kontakt to ta ava to riksdagen
Volltrar du te le svarepan to puttchepan palla dova riksdagengro buttepa eller ava te dikka ta schunna pre je debatt dre riksdagens kammare? Akajj aschar info tchakkes du ler kontakt to riksdagen.
Kavva aschar EU
27 temmar aschar ninna dova Europeiska Union, EU. Svedikko-temmen aschar ninna sen dova 1:to januari 1995. Dolla EU:engre temmar buttar kettanes dre butten lovengre ta politikke puttchepan.