Referendumi
Jekh referendumi tano jekh izbor kote so o glasačia direktno lena stavi bašo jekh konkretnikano politikano pučiba. O parlamenti odlučinela održibaske referendumi ki soro phuv. O referendumi isto šaj te održinelpe ko opštine hem ko regie:
Ki Švedia isi duj vrste referendumia so važinena ki soro phuv, so akharenape nacionalnikane referendumia. Odola tane gododejbaskere referendumia hem o referendumia so važinena jekhe ustavime pučibaske, so šaj te važinel ko disave slučaevia. Niked na održindžape disavo referendumi bašo jekh ustavimo pučiba ki Švedia.
O nacionalnikane referendumia tane izuzetno. Odoleske sade o parlamenti šaj te odlučinel te valjani te održinelpe jekh nacionalnikano referendumi.
Te o parlamenti odlučinela te održinelpe jekh nacionalnikano referendumi anelape jekh posebno kanuni pravilencar so važinena sade e aktualnikane referendumeske. Ko misal odote odlučinelape savo pučiba ka postavinelpe hem ko savo dive ka održinelpe o referedumi. Inače isto pravilia važinena sar ko nacionalnikane referendumia sar ko parlamentarnikane izboria keda kjerelape lafi bašo hako glasibaske, oblasno glasiba hem glasiba.
Godidejbaskere referendumia
Jekh godidejbaskoro referendumi nae obavezimo. Te održindžape jekh godidejbaskoro referendumi bašo jekh pučiba anelape i odlučibaskiri odluka taro o parlamenti. Ama i ginda tani so o referendumi ka del uputiba angleder jekh parlamentarnikani odluka.
Šov nacionalnikane, godidejbaskere referendumia
O šaipa te organizirinelpe godidejbaskoro referendumi uvedindžape ki Švedia 1922 hem koristindžape isto berš glasibaske baši zabrana alkoholno pijalokonge. Sa ukupno održindžepe šov nacionalnikane godidejbaskere referendumia ki Švedia:
- 1922 baši zabrana alkoholno pijalokonge.
- 1955 bašo nakhiba tari levo - ko desno stranakoro soobračaj.
- 1957 baši opšto dodatna penzija.
- 1980 baši nuklearnikani energia.
- 1994 bašo členstvo ko EU.
- 2003 bašo uvediba euro sar valuta ki Švedia.
Opštinakere referendumia
Isto isi šaipa te održinenpe referendumia ko opštine hem regonia. Ola sakofar tane godidejbaske.