Adžahar oformirinelape i vlada
Jekh vlada šaj te ačhol dži kote isi ola dovolno potpora ko parlamenti. Isi pobut sebepia keda i vlada ka valjani te del ostavka hem jekh nevi vlada valjani te oformirinelpe.
O hem uobičaimo sebepi so i vlada dela ostavka tano keda e vladakiri partia ja jekh koalicia pobut partiencar našavela kotora tari pli potpora ko parlamenti palo jekh izbor. Tegani o premijeri odbirinela te del ostavka dobrovolno, ja šaj ov ja oj te ovel naterimo te del ostavka palo o glasiba premijeske so održinelape ko parlamenti palo o izboria.
Isto šaj ka valjani te oformirinelpe jekh nevi vlada te i predhodno vlada sine primorimi te del ostavka sebepi so o parlamenti obratindža bidoverba protiv o premijeri ja te o premijeri odlučindža te del ostavka taro avera sebepia.
I bešli vlada ačhola sar jekh prelazno vlada. Jekh prelazno vlada vastingarela pučiba ama prema i praksa na ljela neve politikane iniciative.
E parlamenteskoro presedateli predložinela koj ka ovel premijeri
Keda i vlada dindža ostavka tegani e parlamenteskere presedateleskiri zadača tani te del predlog neve premijereske. E parlamenteskoro presedateli vakerela sa e partiengere predstavnikoncar či te dodžanel kas isi podržka premijereskere kandidaturake maškar o partie so šaj te ovel o nevo Švediakoro premijeri hem te osnovinel jekh vlada kas isi dovolno podrška ko parlamenti. E parlamenteskoro predsedateli vakerela e podparlamenteskere predsedatelea hem palo odova dela plo predlog e parlamenteske.
Keda e parlamenteskoro predsedateli predstavinela plo predlog, istovakteskoro soopštinelape save partie uračuninenape ki vlada. O cili tano te arakhelpe o kandidati premijereske kas isi hembaro šaipa te oformirinel jekh vlada dovolno potporaja ko parlamenti.
I Riksdag glasinela bašo premijeri
E parlamenteskoro predsedateleskoro predlog premijereske probinelape taro e parlamenteskere členia ko domi glasibaja. Te ekvaš taro e parlamenteskere členia, mangela te vakerelpe hemhari175, glasinena protiv o predlogo, tegani nae te nakhel. Inače ka ovel odobrimo.
E parlamentareskere predsedniko isi štar mandatia
Te o predlogo premijereske na dobinela dovolno potpora, e parlamentareskoro predsedateli pale mora te vakerel e partiengere liderencar, ka razmatrinel e podpredsednikoja, hem palo odova ka del nevo predlog. E parlamentareskere predsedniko isi štar mandatia. Te nijek predlog neve premijereske na dobinela potpora ko parlamenti, ka održinelpe dodaimo izbor ko roko trine masekonge.
O premijeri imeninela avere ministaren
O premijeri odlučinela save ministeria ka računinepe ki vlada. Kobor so šaj posigate palo o imeniba o premijeri ka prijavinel e parlamenteske kola džene tane imenime ministerenge ki vlada.
E vladakiri promena formalno ka sprovedinelpe disoja kaske vakerelape vladakoro khedipa ko zamko. Odova tano jekh vladakoro khedipa kote so e državakoro šefi, mangela te vakerelpe so o krali ja i kralica, tane o predstavniko.