Izboria bašo EU
Sako pandžto berš održinenape izboria bašo Evropakoro parlamenti, butfar akharelape EU-izboria ja Evropaizbor. Tegani o državjania ki Švedia hem ko avera EU-države odbirinena save politikane partie hem členia ka učestvuinen hem ka odlučinen odluke ko parlamenti. Aver EU-izbor tano ko 2029:to berš.
Evropakoro parlamenti tano jedino EU- institucia so direkno odbirinelape ko javno izboria. Ko Evropakoro parlamenti bešena 720 členia taro EU:re 27 člensko države. Kobor členia so avena tari jekh phuv zavisinela kobor baro stanovništvo isi e phuvja. E Švedia isi 21 členia.
Hako glasibaske ko EU-izbor
Hako glasibaske ko švedikano EU-izbor isi odole soj tano 18 berš hemkasno ko izboreskoro dive hem osim akava tano
- švedikano državjani soj tano ja sine uvedimo ko matično evidencia ki Švedia, ja
- državjani ki aver EU-država soj tano uvedimo ki matično evidencia ki Švedia hem prijavindžape ko švedikano glasibaskoro spisako hemkasno 30 dive angleder e izboreskoro dive.
Glasibaskoro spisako tano jekh popis manušenge kas isi pravo glasibaske pri odredimo izbor.
Odova so mangela te ovel odbirimo švedikano členi ko Evropakoro parlamenti mora te ovel ole hako glasibaske ko izbor, te ovel kandidirimo, mangela te vakerel imenimo kandidateske, tari jekh politikani partia.
Odova manuš soj tano švedikano državjani hem tano uvedimo ki matično evidencia ki jekh aver EU-država šaj te odbirinel te glasinel ko odova državakoro izbor bašo Evropakoro parlamenti. Tegani ka valjani te prijavinelpe ko glasibaskoro spisako ki odoja država či te ovel ole šaipa te glasinel. Odova funkcirinela ko aver čhani ko razno EU-države.
Šaj angleder te glasinelpe ja ko izboreskoro dive
Ki Švedia o izboria održinenape ko isto čani sar o izbor parlamenenteske, regionenge hem opštinenge. Odole kas isi hako glasibaske dobinela poziv glasibaske ko poštakoro sanduko hem šaj angleder te glasinel ja te glasinel ko biribaskoro than ko dive izboreske.
Švedikane državjania so bešena ko stranstvo šaj te bičhalen plo glasiba poštaja ja te glasinen ki švedikani ambasada hem konzulati.
Other languages on the website of The Swedish Election Authority