Izboria ko parlamenti

Sako štarto berš održinenape izboria ko švedikano parlamenti, ko dujto purano kurko ko septemvri. Isto dive ikerelape izbor bašo regionia hem opštine:

I Riksdag tani hembaro sobranie anibaske odluke ki Švedia. E parlamenteskiri odgovornost tani te anel odluke hem bašo državakoro budžeti. O parlamenti isto kontrolirinela sar i vlada vastingarela pli buti. 

Ko izboria bašo parlamenti ko 2022 berš glasindže 84,2 procentia taro o odola kas isi hako glasibaske. Aver redovno izbori tano ko 2026 berš.

E Švediakoro izborengoro sistemi tano propocionalnikano. Odova značinela so o gende thana jekh partia dobinela ko parlamenti tane propocionalnikane ko glasongere gende so i partia dobindža ko izboria ko parlamenti. Isi 349 thana, kaske vakerelape mandati, te delinelpe ko parlamenti. I šerutno pravilo tano so jekhe partia mora te ovel hemhari 4 procentia taro o grasia či te khuvel ko parlamenti.

O švedikane državjania šaj te glasinen hem te kandidirinen ko parlamentarnikane izboria

Hako glasibaske ko parlamentarnikane izboria isi odole soj tano švedikano državjani, so pherdža 18 berš hemkasno ko dive izborenge hem tano ja sine uvedimo ki matično evidencia ki Švedia.

Odova manuš so mangela te odbirinelpe bašo poslaniko ko parlamenti mora te ovel ole hako glasibeske hem te ovel imenimo, odnosno te ovel imenimo kadidake, tari jekh politikani partia. Odova soj tano imenimo mora angleder te del plo soglasiba kandidake.

Jekh parlamentarnikano mandati tano lično. Te jekh členi odlučinela te mukhel pli partia telo izborengoro periodi šaj oj ja ov te ačhol ko parlamenti, ama bizo jekh pripadiba ki partia.

Odoja partia ja partie osnovinena vlada so dobindže dovolno thana ko parlamenti či te dobinen potpora baši pli politika. Odova akharelape parlametarizmi.

Partie ko parlamenti 2022–2026

Ovto partie tane predstavime ko parlamenti telo e izborengoro periodi 2022–2026. Akate tane o gende thanenge, mandati, so o partie dobindže ko parlamenti palo o izboria 2022:

  • Social demokrate (S) 107 mandatia
  • Švedikane demokrate (SD) 73 mandatia
  • Moderatia (M) 68 mandatia
  • Levo partia (V) 24 mandatia
  • Centar partia (C) 24 mandatia
  • Kristianikane demokrate (KD) 19 mandatia
  • Ekologikani partia (MP) 18 mandatia
  • Liberalia (L) 16 mandatia