هەڵبژاردن بۆ یەکێتی ئەوروپا

پەرلەمانی ئەوروپا تاکە دامەزراوەی یەکێتی ئەوروپایە کە ڕاستەوخۆ لە هەڵبژاردنە گشتییەکاندا هەڵدەبژێردرێت. پەرلەمانی ئەوروپا 720 ئەندامی لە 27 وڵاتی ئەندامی یەکێتی ئەوروپا هەیە. چەند ئەندام لە وڵاتێکەوە دێن بەندە بەوەوە کە ژمارەی دانیشتوانی وڵاتەکە چەندە. سوید 21 ئەندامی هەیە.

مافی دەنگدان لە هەڵبژاردنەکانی یەکێتی ئەوروپا

مافی دەنگدان لە هەڵبژاردنەکانی یەکێتی ئەوروپای سویددا هی هەر کەسێکە کە لە دوایین ڕۆژی هەڵبژاردندا تەمەنی 18 ساڵ بێت و هەروەها هەر یەکێک لەم دووانە

• هاوڵاتی سویدی کە لە سوید تۆمار کراو یان تۆمار کراوە لەتومارى نفوس، یان...
• هاووڵاتیانی وڵاتێکی تری یەکێتیی ئەورووپا کە لە سوید ناویان تۆمار کراوە لەتومارى نفوس و لە 30 ڕۆژ پێش ڕۆژی هەڵبژاردن درەنگتر نەبێت لە تۆماری دەنگدەرانی سوید ناویان تۆمار کردووە.

تۆماری دەنگدان بریتییە لە لیستی ئەو کەسانەی کە مافی دەنگدانیان هەیە لە هەڵبژاردنێکی دیاریکراودا.

هەرکەسێک بیەوێت وەک ئەندامێکی سویدی پەرلەمانی ئەوروپا هەڵبژێردرێت، دەبێت مافی دەنگدانی هەبێت لەو هەڵبژاردنەدا و کاندید بکرێت، واتە وەک کاندید دەستنیشان بکرێت، لەلایەن پارتێکی سیاسییەوە.

هەر کەسێک هاوڵاتی سویدی بێت و لە وڵاتێکی تری یەکێتی ئەوروپا ناوی خۆی تۆمار کردبێت لەتومار نفوسى دەتوانێت لە هەڵبژاردنەکانی ئەو وڵاتە بۆ پەرلەمانی ئەوروپا هەڵبژێرێت. دواتر لەوانەیە پێویست بێت ناوت تۆمار بکەیت بۆ تۆماری دەنگدەر لەو وڵاتە بۆ ئەوەی دەرفەتی دەنگدانت هەبێت. لە وڵاتە جیاوازەکانی یەکێتی ئەوروپا بە شێوەیەکی جیاواز کاردەکات.

دەتوانن پێشوەختە یان لە ڕۆژی هەڵبژاردندا دەنگ بدەن

لە سوید هەڵبژاردنی یەکێتی ئەوروپا بەهەمان شێوەی هەڵبژاردنی ڕیکسداگ و هەرێم و شارەوانییەکان بەڕێوەدەچێت. هەرکەسێک مافی دەنگدانی هەبێت کارتی دەنگدان بۆى دێتە ماڵەوە لە سندوقی پۆست وەردەگرێت و دواتر دەتوانێت زوو دەنگ بدات یان لە ڕۆژی هەڵبژاردندا لە بنکەیەکی دەنگدان دەنگ بدات.

هاووڵاتیانی سویدی کە لە دەرەوەی وڵات دەژین دەتوانن لە ڕێگەی پۆستەوە دەنگەکانیان بنێرن یان لە باڵیۆزخانە و کونسوڵخانەکانی سوید دەنگ بدەن.

زمانەکانی تر لە ماڵپەڕی دەسەڵاتی هەڵبژاردنەکانی سوید