Parlamentos aro tšetano thaan
Parlamentos (Riksdag), falliba, tšenstibongiire ta thaane aaȟȟena naalune merkneha amengo tšetano thaanesko phirre ȟanjibongiire. Aro Sveittiko them hin buut vareȟlaagime tšentibongiire ta vaure phirre tšenstako tšeere.
Parlamentos
Parlamentos hin koni utšide dömmengo džimnaskiiro. Aro parlamentosko butti ȟunjula neeve laagengo tšeeriba ta themmuno budgettosko (louvikaano plaanosko) bojjiba. Parlamentos dikkela paalal niin douva, sar falliba tšeerela pengo butti. Parlamentosko ȟluutibi aavena pherdime aro hilo Sveittiko them.
Falliba
Ka lyijengo diinibongiire hin velkade parlamentosko 349 lendi, parlamentos naujila ȟeeruno ministeros. Doolesko paalal ȟeeruno ministeros velkila vaure ministere, koonen tšetanes aaȟȟena falliba. Parlamentos hin hyövime te jelpaves falliba elle kuttide tolluves leen, ke jakkes na aaȟȟela falliba hin mostiba te froojuves (falliba peerila).
Falliba vollavena themmes, maȟkar vaure saaki joon tšeerena alsibi, koonenna parlamentos tšeerela dömmös. Falliba hin tilsvaarime niina parlamentosko dömmengo pherdibosta.
Tšenstakiire
Tšenstakiire dikkena paalal douva, te parlamentosko ta fallibosko ȟluutibi aavena pherdime. Tšenstakiire aaȟȟena themmesko konsilosko buttikiire.
Thaane (phuuje)
Aro Sveittiko them hin 290 thaane. Aro sakka thaan hin lengo thaanvitikokomiteos. Doori thaanavitika folkesko naalune/phuuesko politikaane tšeerena lengo phuuesko saakengo ȟluutibi.
Stedikaane ringe
Aro Sveittiko them hin 21 stedikaane ringe. Doolengo ȟeerune tilsvaaribi aaȟȟena sastibosko saakengo ta phirro trafikosko falliba. Stedikaano ringesko tšetiba (skokka), tšeerela douva stedosko politikaane ȟluutibi.
Dömmako peȟȟibi
Dömmako peȟȟibiengo tilsvaariba hin te dömmaves phagirboskiire ta džeenjaves džingribi so hin maȟkar folki, elle maȟkar folki ta tšenstakiire. Saare komuje hin hyövime te amsaves itȟlaagimes aro laagako naal.
EU
Sveittiko them hin Europako Unionisko (EU) lendako them, ta EUsko diino laagi aaȟȟena aro džoor sakkonenge koonen buuruvena aro Sveittiko them.
Džaanibosko diinibako kanalos (Medie)
Džaanibosko diinibako kanale (medie) lela dieliba aro tšetano thaanesko tšeeribi. Mediengo kanale dikkena paale naalune merkneha sar parlamentos, falliba, tšenstakiire ta tšetibi (sankibi) tšeerena butti.