רעפערענדום

אין שוועדן, זענען דא צוויי סארטן רעפערענדומס וואס זענען גילטיג צו די גאנצע לאנד, באוואוסט אלס נאציאנאלע רעפערענדומס. דאס זענען ראט רעפערענדומס און רעפערענדומס אויף א קאנסטיטוציאנאלע ענין, וועלכע קענען זיין פארפליכטענד אין געוויסע פעלער. עס איז קיינמאל נישט געווען א רעפערענדום אויף א קאנסטיטוציאנאלע ענין אין שוועדן.

נאציאנאלע רעפערענדומס זאלן ווערן געהאלטן אין אויסנאמס פעלער. דערפאר, קען נאר די ריקסדעג באשליסן אויב מען זאל האלטן א נאציאנאלע רעפערענדום. 

אויב די ריקסדעג באשליסט צו האלטן א נאציאנאלע רעפערענדום, ווערט א ספעציעלע געזעץ אנגענומען מיט געזעצן וואס זענען גילטיג נאר צו די רעפערענדום אין פראגע. דאס באשטימט, צום ביישפיל, די פראגע צו ווערן געפרעגט און די דאטום אויף וועלכע די ווואלן זאל ווערן אפגעהאלטן. אויסער דעם, זענען מער ווייניגער גילטיג די זעלבע געזעצן פאר נאציאנאלע רעפערענדומס ווי צו פארלאמענטערי וואלן אין טערמינען פון, צום ביישפיל, שטימען רעכטן, עלעקטאראל דיסטריקטס און שטימען.

ראט רעפערענדומס

א ראט רעפערענדום איז נישט פארפליכטענד. אויב א ראט רעפערענדום איז געווארן אפגעהאלטן אויף אן ענין, ווערט די ענדגילטיגע באשלוס גענומען דורך די ריקסדעג. פונדעסטוועגן, די געדאנק איז אז די וואל זאל צושטעלן אנווייזונגען פאר א באשלוס דורך ריקסדעג.

זעקס נאציאנאלע ראט רעפערענדומס

די מעגליכקייט פון האלטן ראט רעפערענדומס איז געווארן פארגעשטעלט אין שוועדן אין 1922 און איז געווארן גענוצט אין די זעלבע יאר אין א רעפערענדום אויף די פארבאט פון אלקאהאלישע געטראנקען. אין סך הכל, זענען זעקס נאציאנאלע ראט רעפערענדומס געווארן אפגעהאלטן אין שוועדן:

• 1922 צו פארבאטן אלקאהאלישע געטראנקען.
• 1955 צו טוישן פון לינקע-האנט צו רעכטע-האנט טראפיק.
• 1957 אויף אלגעמיינע צוגאבע פענסיעס.
• 1980 אויף נוקלעאר מאכט.
• 1994 זיך אנצושליסן אין די EU.
• 2003 צו איינפירן די יורא אלס א וואלוטע אין שוועדן.

שטאטישע רעפערענדומס

עס איז אויך דא די מעגליכקייט פון האלטן רעפערענדומס אין מוניציפאליטעטן און ראיאנען. דאס זענען אלעמאל ראט.