Alope po riksdagen
O alope po shvedicko riksdag zhal sako shtarto bersh, dujto kurko ando septemberi. Sakododjes zhal vi o alope pe regioni thaj pe komuni.
O Riksdagen si o maj ucho parancholimasko chidipe ando Shvedo. Ande riksdageneski butji si te shon tele vorbi pa zakonura thaj pa themeskobudgelari. O riksdagen kontroliril vi sar o regeringo kerel peski butji.
Ando alope po riksdagen ando bersh 2022 alosarde 84,2 procentura anda sa kodo save shaj te shon pengo glaso. O kaver chacho alope si ando bersh 2026.
Shvedicko alomaskosistemo si propocionalno. Kado si ke katji thana jekh partia lel ando riksdagen tordjol ande propcionalno pe katji glacura jekh partia las ando riksdagenoskoalope. Si 349 thana, sarso phenelpe mandatura, te ulavenpe ando riksdageno. O glavno zakono si ke jekh partia musaji te lel majcera 4 procentura anda glasura te shaj avel ande ando riksdagen.
Shvedicka themeske narodura shaj alon thaj e shonpe vi von ando rikdsdagoskoalope
Glasoskochachipe ando riksdagenoskoalope si kodole shvedickone themeskezhenes, savo pherdas 18 bersh maj kishin ando alomaskodjes thaj savo si vaj sas ande iskirime ando Shvedo.
Kodo savo kamel te avel alome sar riksdageneskoledamot musaj te avel les glasoskochachipe ando riksdagenoskoalope thaj te avel nominirime, te avel alome sar kandidato, khatar jekh politicko partia. Kodo savo nominirilpe musaji leske anglal te phendas ja te avel nominirime.
Jekh riksdagenoskomandato si korkoresko. Te si ke jekh ledamot alol te mukel peski partia ando alomaskivrama shaj vov vaj voj beshel majdur ando riksdageno, de bi te avel pasha varesavi partia.
Kodi partia vaj kodola partiji panden khetanes o regeringo save line dosta thana ando riksdageno te len zhutipe pe pengi politika. Kadaleske phenelpe parlamentarismo.
Partiji ando riksdageno 2022-2026
Oxto partiji si ando riksdageno ando alomaskivrama 2022-2026. Katkaj katji thanaj, mandatura, save e partiji line ando riksdageno pala o alope 2022:
- Socialdemokraterna (S) 107 mandatura
- Sverigedemokraterna (SD) 73 mandatura
- Moderaterna (M) 68 mandatura
- Vänsterpartiet (V) 24 mandatura
- Centerpartiet (C) 24 mandatura
- Kristdemokraterna (KD) 19 mandatura
- Miljöpartiet (MP) 18 mandatura
- Liberalerna (L) 16 mandatura