Svedo-them honkar jekh demokrati. Lavet demokrati ashar ghana-pottopa. Dolle ashar te ghana an Svedo-themm fyser asha ninna ta pottot karna Svedo-themm fyser drejas glan ta tradras glan.
Dre vorsnos telal-pattjnopa ster dova te sas-saroa soralopan an Svedo-themm avar fann manuschet ta te themmeske-dives honkar manuschets glanske rakkre-mosch. Savi star basht pottar manuschet savo beddo ta rani tjakke fyser rakkra palla ta glan dova an themmeske-dives, themmeske-tingen ta helko baroske-forothem en.
Politikerna an themmeske-dives pottar palla savot tjakke ashar palla helko themmen. Ministrarna dre regeringen drejar themmen ta dikkar to savot themmeske-dives kammar pottot. Politikerna dre themmeske-tingen ta baroskeforo-themmarna pottar an dolle bekk attjer themmen vorsnos boddrar dre.
Akaj ler diro pennepa pre puschepa palla themmeske-dives.