Savo berh tenkaven te sas demokratisko trystalipe aro sveittiko?
Berh 1921 sas sar demokratisko trystalipe aro sveittiko. Berh 1919 sas parlamentto agortseeren te saare aro them lenas te del votori Dzuuja sar Dzeene. Duj berh paalal sas themmesko jekto parlamenttosko eliktsia paalal agortseer. Paalal eliktsia 1921 liijas pansh (5) dzuuja thaan aro gongresso.
Drapaven butide pe sveittiko tsib:
Riksdagens historia
Kon lel del votori aro parlamentto?
Te lel del votori aro parlamentto, mote tu san membura aro svetittikothem ta pherdo 18 berh pe diives kana hin eliktsia ta san aro khangariasko lin aro rigiako falliba ta lengo gaava. Membura aro vaure Europeisko Union memburathem ta membura aro Island ta Norge lel te del votori sar vaure. Vaure aurithemmengo membura te del votori ke joon hin aahte aro khangarijako liin aro sveittiko anglal eliktsiakodiives.
Drapaven butide pe sveittiko tsib:
Sar harhal hin parlamenttosko eliktsia?
Sakko startto (4) berh. Naaluno parlamettosko eliktsia sas 2018 ta vauro eliktsia hin 2022.
Drapaven butide pe sveittiko tsib:
Sar but dias votori aro parlamenttosko eliktsia 2018?
87,2 prosentura paalal lendar koones sas sajpa te del votori aro parlamenttosko eliktsia 2018.
Drapaven butide pe sveittiko tsib:
Valmyndighetens webbplats
Koon phennela koonesta aavela themmeskoministro?
Douva hin laaveskiero koon phenela lesko dzinta ta parlamenttosko dzeene aro kammaren koon eliktsia paalal laaveskierosko dzinta. Bi anglal laaveskiero phukavela lesko proposition rakkila joon sakkonensa aro parlamentto.
Drapaven butide pe sveittiko tsib:
Koon phukavela ministros aro parlamento?
Themmeskoministro phukavela ministros aro parlamentto. Douva komuja koonesta aavela ministro mo te lel horttipa te del votori aro parlamenttosko elektsia. Dzinta hin te mote san membura aro sveittko them ta pherdo 18 berh. Douva hin feri douva formalia so hin mote te pherdol te aaven ministro.
Drapaven butide pe sveittiko tsib:
Save butti tseerila parlamenttosko laaveskiero?
O laveskiero traadel, organitseerila ta tseerila plani pe riksdagensko buttija. O laveskiero hin heeruno kana o kammaren tseerila peske buttija ta debattora ta kana joon tseeerila agortseeriba. Jek vauro viktigo /inportanto buttija hin te panna buttija kaana parula e parti aro regeringo (dik puhhiba 5). Akadiivesko laveskiero hin o Andreas Norlén.
Drapaven butide pe sveittiko tsib:
Hinko raijes save butti aro parlamentto?
Raijesko butti hin te putren parlamentto po toma sakko berh. Douva hin o starto pe buttijako berh aro parlamentto. Rai hin svettiko themmesko fooroskoraj, numa feri pe repsentiva ta ceremoniako butti.
Drapaven butide pe sveittiko tsib:
Kungahusets webbplats