Sar buut angleskiere behhela aro parlamentto?
Doori behhela 349 angleskiere. Doola 349 skamja hin pertide mahkar skokka paalal sar buut votori skokka liijas aro eliktsia.
Drapaven butide pe sveittiko tsib:
Sar buut dzeene ta dzuuja hin aro parlamentto?
Aro sveittiko parlamentto hin buut dzuuja 47 prosentora ta douva hin buut ke dikkaa pe vaure parlament.
Sar aavav angleskiero? Sode mote te pherdol te aavav angleskiero aro parlamentto?
Te aven arre mote tuut te avel horttipa te del lyyja aro parlamenttosko elektsia. Mote te aven sveittikomembura ta pherdo 18 berh. Jek partia mote te tseeren nominatsia pe tute te aven pe partiako lyyjakolista. Fendider hin te san jek membura aro partia ta san tserde butti partiake.
Paalal douva hin douva komujengo lyyja soon phennela koonesta aavela angleskiero Vaj naa. Jek lyyja saj del po jek partia vaj po jek spesialno manus koon hin pe lista.
Drapaven butide pe sveittiko tsib:
Sar buut lel angleskiero louve anda butti?
Parlamenttosko angleskiere lel presiba 71 500/tsoon. angleskiere presila takso anda louve.
Drapaven butide pe sveittiko tsib:
Ledamöternas arvoden
Sar buut tseerila angleskiere ta sar hin lengo buttijako diives?
Butti sar angleskiero naa sar vaure buttija pe phangle buttijako tiija. Doolesko khaal hin differentto pe buttijako tiija katar manush ando manush. Numa buut angleskiere phennel te joon tseerila butti 60–70 casorja aro kurko.
Buttijako diives naa sar vauro, sakko diives. Buut anda lengo tiija behhen joon pe konferenssia, samliba ta vauro manusensa anda vaure parti sar ande teeluno komissia, manus koon del votori lenge, organisatsensa ta vaurensa. Buut anda lengo tiija dzala te drapaven ta len dzinta paalal preposition so teeluno komissio den lenge ta douva avel ando debatto ta mote agortseeren aro kammaren.
Drapaven butide pe sveittiko tsib:
Så arbetar ledamöterna
Save parti hin aro parlamentto ta savi politika traadel joon?
Daala hin parti ta save angleskiere len hin:
- Socialdemokraterna hin leen 100 angleskiere
- Moderata samlingspartiet hin leen 70 angleskiere
- Sverigedemokraterna hin leen 62 angleskiere
- Centerpartiet hin leen 31 angleskiere
- Vänsterpartiet hin leen 27 agleskiere
- Kristdemokraterna hin len 22 angleskiere
- Liberalerna hin leen 20 angleskiere
- Miljöpartiet de gröna hin leen 16 angleskiere
Pe vaure patrina po Internet hin butide informatsia paalal lengo politika.
Drapaven butide pe sveittiko tsib:
Så arbetar partierna