Svierik la demokratiddja. Báhko demokratiddja mierkki álmmukstivrra. Mierkki ulmutja Svierigin oadtju säbrrat ja mierredit gåktu Svierik galggá stivrriduvvat.
Vuodolágan tjáleduvvá Svierigin gájkka fábmo álmmugis vuolggá ja rijkabiejvve l álmmuga åvdemus åvdåstiddje. Álmmuk juohkka nälját jage vállji makkár ulmutja sijáv galggi rijkabiejven, lánndadikkijn, ja kommuvnajn åvdåstit.
Politijkkára rijkabiejven mierredi dakkirijt ma ålles rijkkaj guosski. Minisstara ráddidusán rijkav stivrriji ja gähttji vaj rijkabiejve märrádusá ålliduvvi. Politijkkára lánndadikkijn ja kommuvnajn stivrriji dan bájken gånnå årrop.
Dánna oattjo vásstádusájt iemelágásj gatjálvisájda rijkabiejve birra.